गोरु ब्याउने आसमा

बगेर्नो भैंसी फाली
लौनी भैंसीको आसमा
थोरे भैंसी
जोर्नु जोरियो ।

घास खाए पनि
धान खाए पनि
मकै खाए पनि
छोड्नु छोडियो।

गोबर पनि कडा कस्तो
ठ्याक्कै मान्छेको जस्तो
सिक सिक लागे पनि
सोर्नु सोरियो।

यस पाली त
पक्कै ब्याउछ कि भैंसी
कुर्नु कुरियो।

लागेको बाली नठहरिए पछी
झोकमा थारोलाई
थुर्नु थुरियो।

लौ है आउने पाली त
तिमी जसरी पनि ब्याउनु पर्छ
भन्दा थारो भैंसी
घुर्न घुरियो ।

ब्यखुती खानेहरु
ढुङ्ग्रो लुकाउदै
आपस आपसमा
खासमा
गोरु ब्याउने आसमा
दाउ हेर्नु हेरियो।