नयाँ ढाचा

सरकारमा लानु पर्छ
जम्बोजेटमा बोकी
मन्त्री पद खानु पर्छ
मुस्ले तिघ्रा ठोकी
जनक्रान्ती भन्ने पनि
भ्रम मात्र  हो कि
जनबाद नै बिर्सिएछ
पढेको त्यो घोकी
त्यागी बाबा भन्नेहरु
निस्के अब ढोगी
शाकाहारी बन्नेहारु
खान थाले  घोगी
जस्लाई ल्याए पनि यहाँ
कान चिर्या जोगी
नेता सबै स्वस्थ हुने
जनता मात्र रोगी
कस्लाई गर्ने विश्वाश अब
सबै गर्छन् ठगी
पश्चताप पर्छौ हामी
घर दैलोमा हगी
कस्ले पार लाउला यहा
कुपुत्रलाई लगी
देशै खाली हुन  थाल्यो
सुपुत्रहरु बगी
चमत्कारी छडी ल्याउने
नयाँ धामी छ कि
नयाँ ढाचा नयाँ धार
ल्याउने कामी छ कि ।