ओ नेता जी

ओ नेता जी
कता हो कता
लौ पसौं यता
किन बेपत्ता
यहाँ छ्याप्प भोट लाइन्छ
अनी झ्याप्प नोट पाईन्छ।

ओ नेता जी
कता हो कता
लौ बसौं यता
के को लापत्ता
यहाँ लोकल ठररा पाईन्छ
छोइला कचिला खाइन्छ
त्यस पछी
झ्याप्प भोट लाइन्छ
मन्त्रीको कोट पाईन्छ
कुरो मिले पछी
मिन्त्रिको के कुरो
देशै खान पाईन्छ
सरकारको टेक्दै आड
जनताको सेक्दै ढाड
टवाक्क घुस खाइन्छ।

ओ नेता जी
कता हो कता
लौ छिरौ यता
यहाँ पनि
एउटा हातमा भोट
अर्को हातमा नोट
फुटाएर आउनेछौ कि भोट
उठाएर ल्याउछौ कि गोठ
सरकार बने पछी
हामीले भने जती
भ्रष्टचार गर्न पाईन्छ
देश बिदेश चर्न पाईन्छ।
ओ नेता जी
कता हो कता
लौ फिरौ यता
कहाँ बेपत्ता।