के बताउ तिमीलाई

इमेलमा सोध्ने साथी
के बताउ तिमीलाई
मेरो के हाल छ
देसको के ताल छ
कहाबाट सुरु गरु
देशको के हाल छ
जनताको के बेहाल छ
तर के गर्ने साथी
देश चलाउने मालामाल छ
यहि त झन् कमाल छ ।

राजधानी भनि के गर्नु
तिम्रै घरको अगाडी
फोहर फाल्ने आहाल छ
के बताउ तिमीलाई
हामीले पढेको कलेज छेउ
नाङ्गो नाचको बबाल छ
देश हाक्नेलाई थाहा छैन रे
यहि त झन् कमाल छ।

नेताको खडेरी परेको बेला
सभासद फालाफाल छ
जनताको हातमा सुको नहुँदा
मन्त्रिको कमाई धमाल छ
बुझ्न नसक्ने गाँठी कुरो
यहि त झन कमाल छ ।

लुट्न पाउनेहारु यहाँ
सधैं राजेश हमाल छ
लुट्न न पाउनेहारुको
सधैं बन्द हट्ताल छ
कहिले यो अन्ते हुने
सबैको यस्तै सवाल छ
तर कसले लिने चासो
हरेकको आफ्नै ताल छ
आफ्नै दुनो सोझो पार्ने
यहि त झन कमाल छ।