पहिले समात्यो
त्यस पछी अट्ठ्यायो
फेरी तान्यो
अनी ....।
अनी के भयो ?
वकिलले स्पष्टिकरण सोध्यो।
अनी...
अनी....
लुगाहरु च्यात्यो
म कराए
मुख नै थुन्यो
म डराए
श्वास नै थुन्दा
म लरखराए ।
अरु के भयो ?
वकिलले खुलस्तता खोज्यो।
अनी
मलाई नङ्गायो
अनी दङ्गायो
जताभावी गर्यो
गर्नु नगर्नु गर्यो हजुर
जिउदै मर्नु पर्यो हजुर।
अनी कसरी गर्यो ?
न्यायधिसले तरिका नै रोजे ।
त्यो त..
त्यो त
कसरी बताउ हजुर
तर
उसले च्यातेका लुगाहरु
उसले नङ्ग्राएका दागहरु
प्रमाणछन हजुर।
दाखहरु देखाउनुस त?
वकिलले प्रमाण खोजे।
तपाईंको न्याय पुग्यो हजुर
बल्ल बुद्दी सुझ्यो हज्रुर
के त कुरा ढाट्नु पर्थ्यो
के त उसलाई काट्नु पर्थ्यो ।
बिचरी नारी
एक छिन अश्रुधारा रोइन
एक छिन स्तब्ध भईन
बिना न्याय फर्केर गइन।
No comments:
Post a Comment