एउटा गोरु चाहियो।

देशमा दाई गर्न
बलियो र भर पर्दो
मियो घुमाउने
गर्दा काम सर्दो
हेर्दा नहोस डर मर्दो
एउटा गोरु चाहियो।

लुते लाते
खन्चुवा भाते
खाइ छेरुवा
पानी मरुवा
देउसै दरुवा
आफ्नो थैली भरुवा होइन
हट्टा कट्टा
देख्दा पट्ठा
यि लुते गोरु हाक्ने
ठगठागलाई याक्ने
एउटा गतिलो गोरु चहियो।

घास खाएर पनि
दाम्ला खान पल्किएका
घरको दाना छाडि
परको खान सल्किएका
जती खाए पनि नअघाउने
जती खुवाए पनि नअघाउने
हिड्दा  बाटो बिराउने

यि कामचोर गोरुहरुलाई
सही मेलोमा  ल्याउन
देश र जनतालाई
एउटा बाटो पहिल्याउन
बिकासको लागि
मलिलो माटो ल्याउन
एउटा भर पर्दो गोरु चाहियो।