गजल

भक्तीका कुरा गरी
देश भजाइ खाऊ
मुक्ती कुरा गरी
शेश रजाइ खाउ
क्रान्तिका कुरा गरी
जनता कजाइ खाउ
सुशासनको कुरो गरी
दाम बजाइ खाउ
भट्टी भट्टी चाहार्नेहरु
वाइन सजाइ खाउ
झाडा पखाला लाग्न सक्छ
ढुकुटी पचाइ खाउ।

जीत ल्याउने कस्ले अब

भद्रगोलमा देश चल्दा
रित पुराउने कसले अब
कुकर्मले गाज्यो यहाँ
हित डोर्याउने कस्ले अब।
क्रोध र इर्श्या झागियो
प्रित लाउने कस्ले अब
नाच्नेहारु मात्र भए यहाँ
गीत गाउने कस्ले अब।

कुभलो त्यो चिताएर
हित पाउने कस्ले अब
अमन चैन भत्काएर
निद लाउने कस्ले अब।

घाम चर्को चर्काएर
शित छाउने कस्ले अब
सबले सबलाई शत्रु देखे
मीत लाउने कस्ले अब।

भोको प्यासी बनाएर
धित पाउने कस्ले अब
काले गोरे सबले हारे
जीत ल्याउने कस्ले अब।

घुसको खेला

कोही यस्को नसामा
सर्प झै बेरिएका
कोही पचाउन नसकी
यो खाइ छेरिएका
ध्वासे म्वासे जो पनि
नयाँ काचुलि फेरिएका
पुराना खाइ ढाडिएको बेला
नयाँ उडुस फेरी खेरिएका
नखाने बिचरा भई मरे
खानेलाई सम्मानले हेरिएका
इमानलाई छोड्ने माखो पनि
खानेलाई हुलले घेरिएका ।

यहाँ अब

हो आमा
तिम्रो मुहार फेर्छु भनी
एउटा कर्मठ पुत्र बनी
कसम पनि खाइयो
गर्दै जादा
उल्टो उल्टो पाइयो
चोर डाँका समाउदा
अनेक लाल्छना लाइयो
के गर्ने आमा
यहाँ त
के ढाट्नेले खादोरैछ
के भाड्नेले खादोरैछ
आफु त सोझो परीयो
रातदिन मरेर गरियो
कुरो बुझ्दै जादा
भ्रष्टचारिलाई बढुवा
निष्टाचारी त भडुवा
घुसखोरिलाई तक्मा
कर्मठधारीलाई चक्मा
समय त उल्टो रहेछ
सोझाको अब दिन गएछ
यहाँ त
तस्करलाई सम्रक्षण
लुटेरालाई आरक्षण छ ।
बुद्दी भन्दा धन ठुलो
कलम भन्दा घन ठुलो छ
यहाँ अब
कालो बजार मालामाल छ
सेतो बजारको अनिकाल छ ।

गर्नेलाई छेकिन्छ
नगर्ने राम्रो देखिन्छ
सडक देखी सभासम्म
तिम्रा पान्डपहरु
अल्पमतमा परेकाछन
कौरबहरुले यहाँ
गर्नुसम्म गरेकाछन
बिदुर र भिष्म पनि
सकुनी मामाहरुले
खालमा घेरिएकाछन
गान्धारीहरु पनि यहाँ
पहिले भन्दा फेरिएकाछन
सुनिन्छ
रामायनका रावनहरु पनि
तिम्रै देशको
महाभारततिर खेरिएकाछन।