मेरा प्यारा जनताहरु
मै जस्ता
सकुनी दुर्योधन
रावण रुपी नेताहरु
भोक भोकै झोला बोकी हिंड्ने
कठैबरा कार्यकर्ताहरु
यहाँहरु सबैलाई धन्यबाद
राष्ट्रपती हुने बाहेक
अरु जे जे भन्यो जुराइ दिनुभो
यहाँसम्म कि
आज मृत्य लोकबाट मलाई
सिधै स्वर्गलोक पुराइ दिनुभो
यहाँ मलाई
मृत्युललोक भन्दा आरम छ
यता पनि प्रजातन्त्र आए छ की
हाम्रो लोकतन्त्र भन्दा पनि
ईन्द्रतन्त्र नरम छ
आरामको निद्रा लाग्याछ
टेन्सन र चिन्ता पनि भाग्याछ
नेपालमा जस्तो छेमिकिहरुको
यो गर भनेर न फोन आउछ
यो नगर भनी न टोन आउछ ।
फेरी मैले नेपाल छदा
ज्ञानतन्त्रलाई हटाएर हो कि
ईन्द्र पनि अलिक डराउछन
गणेशमान ,कृष्णप्रशाद,
मनमहोन भन्दा
मलाई नै धेरै सह्राउछन ।
कृष्णप्रशाद त यहाँ पनि
बनारसी पान चपाउछन
महाभारत गीता समाछान
मुड चल्यो भने इन्द्रसंगै
पलेटी कसेर
कपालिनीहरुसंग रमाउछन ।
गणेशमान चाही खै कता तिर
प्रजातन्त्रको लागि लड्न गाकाछन
मनमोहन बिचरा भर्खरै
कुन देशमा कम्युनिस्ट सकियो भन्दै आकाछन
मदन भण्डारी यता पनि
बिरेन्द्रलाई भेटे की मैदान भिडन आक्दै
नव जनबादी भाषण ठोक्याछन
तर साझ बिहान सुटुक्क
ईन्द्रलाई चाही ढोक्याछन
जिउदा नेताको बारेमा के लेख्याछन भनी
एकदिन सुटुक्क
चित्रगुप्तको बैखाता हेर्याथे
बुढाले यस्तो कुरो पो केर्याथे
सुशिलदा (तपैहरु भन्नु हुन्छ )
नबोलीको ढङ्गछ
न काममा उमङ्गछ
न काम बिगार्छन न काम बनाउछन
न त अरु जस्तो घुस खाइ गन्हाउछन
उनले पनि बैतरनी त तर्याछन
तर यता आए पछी भङ्गीको काममा पर्याछन
के पि ओली पनि
स्वर्गको भर्याङ्ग चाड्याछन
यता पनि उनी
उकान टुक्का भन्नेमा पर्याछन
प्रचन्ड पनि छेउकै डबलीमा पर्याछन
तर उनी यता त
मासु काट्ने काममा पो पर्याछन
बैध बाको अझै कुनै ठेगान छैन
सबै भन्छन उनलाई
स्वर्गै बोलायो भने पनि आउने हो कि होइन
तर एउटा कुरा सबैलाई भन्द्याछु
अब उपरान्त पनि
जनताको संबिधान बनायौ भने
तिमीहरु पनि स्वर्गमा राम्रै सम्मान पाउला
नत्र चित्र गुप्त बुढाको ठुलै ल्वाप्पा खाउला ।
