ठुलो शहरमा छिरेको मान्छे

केही गर्न
ठुलो शहरमा छिरेको मान्छे
नाताबाद
कृपाबाद
चाकरीबाद
अनेक बादको भुमरिमा फसेर
जुत्ता झै फाटदै
टुडीखेलमा लम्पसारछ।
केही बन्न
ठुलो शहरमा पसेको मान्छे
कतै/कही
केही नबन्दा
भोकले
शोकले
रोगले
महङ्गिको हुरिमा फसेर
दाल भात चाट्दै
आफन्तको शरणमा लखतरान्नछ।
केही जान्न
ठुलो शहरमा बसेको मान्छे
धुर्त्याइमा
फट्ट्याइमा
बाट्ठ्याइमा
कही/ कतै
कही नजान्दा
खोक्रिदै
बोक्रिदै
झोक्रीदै
खुलतको आधिबेरीमा फसेर
सडक सडकमा मरासन्नछ।
केही पाउन
केही कमाउन
ठुलो शहरमा पसेको मान्छे
उधारो थमाउदै
ब्यापार डुबाउदै
धन गुमाउदै
ऋनको रणभुमी फसेर
साघुरो कोठामा रनभुल्लछ।