एक दिन इन्टरनेटमा
मित्रसङ्ग च्याट गरिरहेको बेला
एउटा ईमेल आयो
बिलकुल बिमेल आयो
किनभने त्यो
स्वर्गबासी हजुरबाको ईमेल थियो
अझ त्यो जिमेल थियो
जिमेल यस्तो थियो
प्रतिपक्ष नेताको गाली जस्तो थियो
मुलासाग होस कि भाजी
जती खोजे पनि नभितिने पाजी
ल्यान्ड फोन गरे
एस् एम एस् गरे
मोबाईल ठोके
कहिले उत्तर नआए पछी
आज ईमेलमा तितो पोखे
मैले खोले खाएर
लगुटी लगाएर
नखाइ नलाई
दुइचार टुक्रा जमिन जोडे
तेरो बाउले पनि
कछनी लाउदै घरघडेरी जोडे
आज करौडौ भए पछी
हजुरबालाई चटक भुल्ने ?
पुर्खौली सम्पतिले
भाङ खाएर
ड्रग्स खाएर
सुकेको त्यो भगेरे छाती
हाती जत्रो फुल्ने ?
क्यासिनोमा भुल्ने
सदाचारलाई बिर्सेंर
सम्पती बेची बेची
देस बिदेस डुल्ने ?
बुढाले हकार्नु हकारेछन
आगढी पढन गर्यो लाग्यो
त्यसै छोडन पनि सर्हो लायो
थोरै फेरी अघी बढे
के लेखेकारहेछन पढे
थुक्क पाजीहरु
बेकामे काजिहरु
घरको जग्गा बाझो राखी
घरको खेत बाझो राखी
परको भुमिमा पसिना पोख्ने
स्वाभिमानलाई बन्दकी राखी
अरुको चरण ढोक्ने ?
हाम्रो पालामा
अरु नभए पनि
कम्सेकम शान्ती त थियो
तराइ हिमालमामा कान्ती थियो
ठुक्क गजडी
च्यातेको पाइन्ट लाकोछ
सकिया ,रोदी
,देउडा छोडि
रयाप र झ्याप गाको छ
खाली झोला बोकेर कालेज आकोछ
टवाके ट्यापे भाकोछ
नातिनी पनि
फेसनको नामामा
खाली टालो मात्री लाएकी छ
आधी पेट खाएकी छ
सौदर्यको नाममा
भुतनी बनी आएकिछ
आज एउटासँग
भोली आर्कैसङ्ग
माया प्रिती लाएकीछ
झुटो कसम खाएकिछ
तर गजबको कुरो
टिभी पत्रीकामा उही छाएकीछ
अन्तिम अनुक्षेद पढे
थुइक्क धुन्दकारी
कहिले यो पार्टी छिरेकोछ
कहिले त्यो पार्टिको बिल्ला भिरेकोछ
नैतीकता टुकैचामा फालेर
देश बिगार्न हिंडेकोछ
माटोको माया छोडेकोछ
भित्र छुरा राखी
शान्तिको कम्बल ओडेको छ
आज सहमती गरेर
भोली त्यसैलाई तोडेकोछ
आमालाई लात हान्दै
अन्तै नाता जोडेकोको छ
पढ्दा पढ्दा बुढाका गाली
दिक्क लाग्यो
डिलेट गर्दे ,ब्लकै गर्दे
अब बुढालाई ठीक्क लाग्यो ।
No comments:
Post a Comment